საქართველოში რუსი ხახლსი მიმართ აგრესია არ არის, მაგრამ როდესაც იქ რუსი პოლიტიკოსი ჩადის, მის მიმართ იჩენენ აგრესიას, რადგან მას იქ არაფერი ესაქმება, - ამბობს საქართველოში დაბადებული აზერბაიჯანელი, რუსეთის მოქალაქე, რუსეთის ჟურნალისტთა კავშირის წევრი, პოლიტოლოგი, საზოგადო მოღვაწე ვიდადი აბასოვი ვიდეობლოგში, რომელიც 20 ივნისის შემდეგ საქართველოში განვითარებულ მოვლენებს ეხება.
"საქართველოში რუსი ხახლსი მიმართ აგრესია არ არის, მაგრამ როდესაც იქ რუსი პოლიტიკოსი ჩადის, მის მიმართ იჩენენ აგრესიას, რადგან მას იქ არაფერი ესაქმება. მთელი ქართული საზოგადოება პრეზიდენტით დამთავრებული ამბობს , რომ რუსეთი ოკუპანტია, მან საქართველოს ტერიტორიების ოკუპაცია მოახდინა და დღეს ამ შეფასებას პარლამენტის წინ მიმდინარე აქციაზე ლოზუნგებზე ვხედავთ, სადაც მთელი ქართული სტუდენტობაა. გული მტკივა ამ ლოზუნგების რომ ვუყურებ. წლებია, ვწერ, რომ ქართული საზოგადოებისთვის რუსი ადამიანი არსებობს, მაგრამ რუსეთი აღარ არსებობს. რუსეთის სახელმწიფომ ბევრი დააშავა არა მარტო საქართველოსთან ურთიერთობაში, არამედ, აზერბაიჯანის, უკრაინის, მოლდოვასთან ურთიერთობებშიც. აგრესიაა რუსეთის მიმართ ყაზახეთშიც. გარშემო ყველა გაგიჟდა და მხოლოდ თქვენ ხართ მართლები?!“, - ამბობს პოლიტოლოგი და აღნიშნავს, რომ რუსეთმა უნსდა ისწავლოს მოვლენების სამართლიანად და ობიექტურად შეფასება.
"ბოლოს და ბოლოს უნდა გაიაზროთ და შეიგნოთ, რომ საქართველო და უკრაინა რუსეთისთვის ასი წელი დაკარგულია და ეს თქვენ ჩაიდინეთ! ახლა დაფიქრდით, როგორ გამოხვიდეთ ვითარებიდან", - ამბობს აბასოვი და აღნიშნავს, რომ რუსეთის ხელისუფლებას სიტუაციიდან გამოსვლაში მართლმადიდებლობაც აღარ უშველის, რადგან საქართველოში რუსეთის სასულიერო პირებსაც აღარ სჯერათ.
"სასულიერო პირების პოზიციებს რომ გადახედოთ საქართველოში, ჭყონდიდელი მიტროპოლიტი პეტრე აცხადებს, რომ „რუსეთი თვალთმაქცობს და მართლმადიდებლობით მანიპულირებს", - აბობს აბასოვი.
მისივე თქმით, რუსეთის მცდელობა გამოასავალი ეძებოს შემოვლითი გზებით, ქართველების გულის მოსაგებად, შეუძლებელია, მანამ, სანამ საქართველოს ტერიტორიული მთლიანობა არ აღდგება.
"თავად აფხაზებსაც არ სჯერათ, რომ აფხაზეთი სახელმწიფოა, თავას ოსებსაც არ სჯერათ, რომ სახმრეთ ოსეთი სახელმწიფოა, მიუხედავად იმისა, რომ დღეს რუსული მედია ტირაჟირებს სამხრეთ ოსეთის პარლამენტის, აფხაზეთის პრეზიდენტის არჩევნების შესახებ ცნობებს! რა პარლამენტზე საუბრობთ საერთოდ, პარლამენტზე 4 სოფლისთვის?! ნაურუს და ტუვალუს გარდა, ამის მოსმენაც კი არავის სურს და ასე იქნება ყოველთვის! იგივე ეხება ყარაბაღს", - თქვა აბასოვმა და მოუწოდა რუსეთის ხელისუფლებას თბილისში მიმდინარე მოვლენების რეალური არსი აღიარონ - „იქ რუსი დეპუტატის გამოჩენა ჩვეულებრივი პროვოკაცია იყო. და ამ შეცდომის აღიარების ნაცვლად, მოსკოვი კვლავ ამერიკულ კვალს ეძებს”.
"ახლა თბილისში აქციები გრძელდება. საქართველომ, ქართველმა ხალხმა ერთხელ და სამუდამოდ უჩვენეს რუსულ პოლიტიკურ ელიტას და არა რუს ხალხს, რომ სანამ საქართველოს ტერიტორიული მთლიანობა არ აღდგება, რუს პოლიტიკოსებს საქართველოში არაფერი ესაქმებათ. და ამიერიდან, ვერც ერთი ქართველი პოლიტიკოსი ვერ გაბედავს, მიიწვიოს რომელიმე რუსი კოლეგა საქართველოში, იმიტომ, რომ სხვა შემთხვევაში ეს მისი კარიერის დასასრული იქნება", - თქვა აბასოვმა.
