ცნობას თურქმენეთის პრეზიდენტის, გურბანგული ბერდიმუჰამედოვის გარდაცვალების შესახებ არ ადასტურებენ თურქმენი დიპლომატები.
მოსკოვში თურქმენეთის საელჩოს პრესატაშეს განცხადებით, გავრცელებული ინფორმაცია აბსოლუტური სიცრუეა და პრეზიდენტი ცოცხალია.
დღეს, გავრცელდა ინფორმაცია, თითქოს შვებულებაში მყოფი თურქმენეთის პრეზიდენტი გურბანგული ბერდიმუჰამედოვი გარდაიცვალა. გავრცელებული ინფორმაციით, ის თირკმლის მწვავე უკმარისობით გარდაიცვალა.
ბერდიმუჰამედოვი თურქმენეთის პრეზიდენტის პოსტს 2006 წლიდან იკავებს.