ავსტრალიის სამხრეთ სანაპიროზე, თევზაობის დროს მამა-შვილმა 50 წლის წინ დაწერილი წერილი იპოვეს, რომელიც ბოთლში იყო მოთავსებული.
მეთევზე, პაულ ელიოტმა ABC-თან საუბრისას დროს განაცხადა, რომ ბოთლში მოთავსებული წერილი, ეირის ნახევარკუნძულის დასავლეთ ნაწილში, შვილთან ერთად, თევზაობის დროს იპოვა.
წერილის ავტორი 13 წლის ინგლისელი პოლ გიბსონია, რომელიც იმ დროს ინგლისიდან მელბურნის მიმართულებით გემით მოგზაურობდა. წერილში, რომელიც 50 წლის წინ არის დაწერილი, წერია: „ავსტრალიის სამხრეთიდან დასავლეთის მიმართულებით გემით ვმოგზაურობ, გთხოვ მიპასუხე“.
თუ წერილში მითითებული თარიღები სწორია, მაშინ ახლა პოლ გიბსონი 63 წლის უნდა იყოს. წერილის მპოვნელი მამა-შვილი მის ავტორს ეძებს და მისი გაცნობა სურთ.
