ივანიშვილი ვერ და არ დათმობს ხელისუფლებას და ის პარლამენტში კენჭისყრაზე პროპორციულ სისტემაზე გადასვლას ჩააგდებს, - ასე პასუხობს გადაცემა „არჩევანში“ გუბაზ სანიკიძე შეკითხვას, ჩაატარებს თუ არა ბიძინა ივანიშვილი 2020 წლის არჩევნებს პროპორციული სისტემით.
„გამარჯვებული საქართველოს“ წევრი აცხადებს, რომ ივანიშვილი ვერ და არ დათმობს ხელისუფლებას და ის პარლამენტში კენჭისყრაზე პროპორციულ სისტემაზე გადასვლას ჩააგდებს.
„მე არ მაქვს დიდი იმედები, რომ ივანიშვილი დათმობს ამას იმიტომ, რომ ივანიშვილისთვის წაგება არჩევნების პირადი ტრაგედიაა. რაღაცები აქვს ისეთი გაფუჭებული, რომ მისთვის წარმოადგენს პირად საფრთხეს. მე მგონია ასე, რომ გვაწვალებს, გვატარებს. რამდენიმე თვე გაიწელება და მერე ჩაატარებს პარლამენტში კენჭისყრას, იქ მაჟორიტარები ყოველთვის ჰყავს და მაჟორიტარების ინტერესები ცალკე არის და ჩააგდებენ ამ ამბავს. მე ვიცნობ რამდენიმე მაჟორიტარს, რომლებიც დღესვე დასაჭერია და ისინი არ დათმობენ ამას რა“, - განაცხადა გუბაზ სანიკიძემ.