თუ 2024 წლამდე ივანიშვილის ხელისუფლება დარჩა, საქართველოს მესამეჯერ ოკუპაცია ელოდება , - განაცხადა გადაცემა „არჩევანში“ „გამარჯვებული საქართველოს“ წევრმა გუბაზ სანიკიძემ.
მისი თქმით, ივანიშვილი ვერ და არ დათმობს ხელისუფლებას და ის პარლამენტში კენჭისყრაზე პროპორციულ სისტემაზე გადასვლას ჩააგდებს.
სანიკიძის თქმით, მაშინ როდესაც ხელისუფლება არ აპირებს არჩევნების გზით წასვლას, მაშინ გამოსავალი არის რევოლუცია.
„ივანიშვილმა თუ გადაგვაგდო რას ვშვრებით მაშინ? მე მაქვს პასუხი ძალიან მარტივი. როცა არჩევნებით ვერ უშვებ ხელისუფლებას, უნდა გაუშვა რევოლუციით,“ - განაცხადა გუბაზ სანიკიძემ.
მან საზოგადოებასაც მიმართა და განაცხადა, რომ იმ შემთხვევაში თუ 2024 წლამდე ივანიშვილის ხელისუფლება დარჩა, საქართველოს მესამეჯერ ოკუპაცია ელოდება.
„საქართველოს ელოდება მესამე ჩაბარება და ოკუპაცია, რომელსაც, ალბათ, ორი სამი თაობა დასჭირდება, რომ გამოვასწოროთ. ამ კაცს აქვს კონკრეტული დავალება, რომ საქართველო ჩააბაროს მესამეჯერ და, ალბათ, ჩვენი თაობისთვის და შემდგომი თაობისთვის საბოლოოდ ჩააბარაოს ეს ქვეყანა და ამას სჭირდება ბრძოლა,“ - განაცხადა გუბაზ სანიკიძემ.
