საქართველოს პარლამენტის წევრი, რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია სექტემბრიდან სკოლებში იაგობ გოგებაშვილის "დედა ენის" დაბრუნებას ეხმიანება.
"მე დავპირდი ჩვენს ხალხს, რომ სექტემბრიდან იაკობ გოგებაშვილის "დედა ენა" შევიდოდა სკოლებში და ამაყი ვარ, რომ ჩვენმა მომზადებულმა კანონის პროექტმა, კანონად ქცევის შემდეგ შექმნა საკანონმდებლო გარანტიები დედაენის ფორმალურ საგანმანათლებლო პროცესში დაბრუნებისთვის, სკოლებში დაბრუნებისთვის!
"აი ია"-ს, ამ გენიალური პალინდრომის პრინციპზე აგებული დედაენა, იაკობ გოგებაშვილის დედაენა, მისი მეთოდით და ინტელექტუალური ძალით შექმნილი დედაენა შევა სკოლებში, ეს ისტორიული სამართლიანობის აღდგენაა და ყველას ვულოცავ ამას. საქართველოს ვულოცავ ამ დიდ დღეს!" -განაცხადა ზაზა გაბუნიამ.