ჭოპორტში ხელკეტით ნაცემ ძაღლი, რომელსაც ყბის ძვლები დაუმტვრიეს გადარჩა და დამოუკიდებლად ჭამა მოახერხა.
ჰასკი დედაღვთისას მონასტრის მღვდელმსახურმა, სებასტიანე ნეფარიძემ შეიფარა. სწორედა მამა სებასტიანემ გაავრცელა ვიდეო, სადაც ჩანს როგორ ჭამს ჰასკი დამოუკიდებლად.
თამაზ ელიზბარაშვილის ძაღლთა თავშესაფრის ინფორმაციით, ვეტექიმები ამბობდნენ, რომ ჰასკის გადარჩენის მინიმალური შანსი იყო და ის დამოუკიდებლად ჭამას ვერასდროს შეძლებდა.
შეგახსენებთ, რომ რამდენიმე კვირის წინ, 3 ივნისს, თამაზ ელიზბარაშვილის ძაღლების თავშესაფრის ინფორმაციით, ჭოპორტში, ძაღლი სასტიკად სცემეს და ყბის ძვლები დაუმტვრიეს.
შინაგან საქმეთა სამინისტრომ იმავე დღესვე დაიწყო გამოძიება 259-ე მუხლის პირველი ნაწილით, რაც ცხოველის წამებას ან მისდამი სასტიკ მოპყრობას გულისხმობს, რამაც მისი დაღუპვა ან დასახიჩრება გამოიწვია.