შიდა ქართლში, განახლებული საკონსერვო ქარხანა "კულა" გაიხსნა, სადაც ფერმერმა ივანე გოგლიძემ 226, 492 ათასი დოლარის ინვესტიცია განახორციელა.
აქედან, ADA-ს გრანტის ფარგლებში გამოყოფილი 150 000 დოლარი, ავტომატურად დაპაკეტების, სახურავების მოსარგები, ეტიკეტების მისაკრობი სისტემის შესაძენად და ახალი სამუშაო ადგილების შესაქმნელად გამოიყენა. განახლებული ქარხანა სხვადასხვა სახის წვენებს, ჯემებს და დაკონსერვებულ ბოსტნეულს გამოუშვებს.
ადგილობრივი მოსახლეობისთვის, ქარხანაში 48 ახალი სამუშაო ადგილი შეიქმნა. აღნიშნული პროექტის განხორციელებით, 300-მდე ფერმერი საკუთარი პროდუქციის რეალიზებას შეძლებს. ძველი ქარხნის განახლება, პროდუქციის ხარისხის გაუმჯობესებას შეუწყობს ხელს და ამასთანავე, გაზრდის წარმოებული პროდუქციის ოდენობას. ეს კი, საბაზრო ფასების შემცირებაზე სერიოზულ ზეგავლენას მოახდენს.