საპროტესტო აქცია „მზრუნველობა დასჯის ნაცვლად“ - თბილისში 17:00 საათზე სახელმწიფო კანცელარიასთან!
"მზრუნველობა დასჯის ნაცვლად" - ნარკოპოლიტიკის ჰუმანიზაციასთან დაკავშირებით, ამ სახელწოდების აქციას დღეს მთავრობის ადმინისტრაციასთან არასამთავრობო ორგანიზაციები გამართავენ.“ორგანიზატორები პრემიერმინისტრს პეტიციით მიმართავენ. ისინი ითხოვენ მოხდეს ქვეყანაში არსებული რეპრესიული ნარკოკანონმდებლობის ჰუმანიზაცია, მწირ, მაგრამ არსებულ პროგრამებში აღმოიფხვრას პრობლემატიკა, ასევე, აქცენტი გადავიდეს ჯანდაცვის სისტემის გამართვასა და კომპლექსური მიდგომების დანერგვაზე.
“პეტიცია პრემიერ მინისტრს !
ჯერ კიდევ ქვეყანაში მოქმედებს ნულოვანი ტოლერანტობის დროინდელი საკანონმდებლო რეგულაციები რეპრესიული ნარკოპოლიტიკის სახით, რომელმაც როგორც გახსოვთ ათასობით ჩვენი თანამოქალაქე დაჩაგრა, წაართვა ჯანმრთელობა და ყველაზე ფასეული სიცოცხლე. ჩვენ, საზოგადოება არა იმ დოზით, მაგრამ მაინც ვხედავთ ამ ხელისუფლების პირობებში ნარკოტიკების მომხმარებლების დევნას, მიუხედავდ მათ წინაშე არსებული პრობლემებისა. ერთადერთი ნათელი წერტილი დღეს ქვეყანაში მოქმედი ჩანაცვლებითი თერაპიის პროგრამებია, თუმცა აქაც გარკვეული პრობლემებს ვაწყდებით. გვახარებს ის ფაქტი, რომ მეტადონის პროგრამის ხელმისაწვდომობა ქვეყანაში გაზრდილია, განსაკუთრებით ფინანსური ბარიერის მოხსნის შემდეგ, რასაც სამწუხაროდ ვერ ვიტყვით ე.წ. სუბოქსინის პროგრამებზე. მიუხედავად იმისა, რომ წელს 400 ბენეფიციარით გაიზარდა პროგრამაში ჩართვის შესაძლებლობა, მოთხოვნა გაცილებით დიდია. ალტერნატივის სახით ქვეყანაში მოქმედებს რამდენიმე კომერციული პროგრამა, სადაც ფასი მაღალი და მონოპოლიზირებულია. ისევ პრობლემად რჩება ქალთა ციხეში ჩანავცლებითი თერაპიის არ არსებობა. საპატიმრო დაწესებულებებში ნარკოტიკული საშუალებების მცირე ოდენობით ფლობისთვის სასჯელს იხდიან ადამიანები. მათეკისრებათ მაღალი ჯარიმები, რითაც მძიმდება ოჯახებისა და გარკვეულწილად მთლიანად საზოგადოების სოციო ეკონომიკური პირობები.
GeNPUD-მა და ჩანაცვლებითი თერაპიის პაციენტების საინიციატივო ჯგუფმა შეადგინა პეტიცია, რომელიც გადაეცემა საპროტესტო აქციის ფარგლებში (12 ივლისი 17:00 სთ, სახელმწიფო კანცელარიასთან) პრემიერ მინისტრს, შემდეგი მოთხოვნებით:
1. გთხოვთ განახლდეს ნარკოპოლიტიკის ეროვნული პლატფორმის მიერ ინიცირებული კანონპროექტის განხილვა პარლამემტში რათა დასრულდეს ეს პროცესი და მივიღოთ დაბალანსებული ნარკოპოლიტიკა.
2. გაფართოვდეს სუბოქსონის ჩანაცვლებითი თერაპიის სახელმწიფო პროგრამა და მოხდეს პროგრამებზე ფართო გეოგრაფიული არეალის უზრუნველყოფა.
3. გამარტივდეს პრეპარატის ხელზე გატანების პრაქტიკა ზუსტად ისე, როგორც ამას დასავლური ცივილზებული სტანდარტი გვეუბნება.
4. მოგვეცეს კონკრეტული განმარტება იმ პაციენტებს ვისაც ექიმის მიერ განსაზღრული აქვს სტაბილური დოზა და შესაბამისად არ ვართ ეიფორიის და თრობის ქვეშ რატომ გვეკრძალება მართვის უფლება”, - წერია პეტიციაში.