საქართველოს ტექნიკური უნივერსიტეტის საზოგადოებასთან ურთიერთობის დეპარტამენტის ინფორმაციით, უნივერსიტეტის სამშენებლო ფაკულტეტის სადისერტაციო კოლეგიის სხდომაზე, სადოქტორო ნაშრომი - „წყალმომარაგების ბუნებრივი წყაროების ხარისხის შეფასება მდინარე მტკვრის მაგალითზე“ განიხილეს.
ზაალ ცინაძის მიერ შეთავაზებული ტექნოლოგია შესაძლებელია გამოყენებული იყოს როგორც დიდი, ასევე საშუალო და მცირე ქალაქებისათვის, აგრეთვე სოფლის და ანალოგიური ტიპის დასახლებული პუნქტების პირობებში, სადაც არ არის წყალანირების ქსელი.
კოლეგიის სხდომაზე ნაშრომის ავტორმა ზაალ ცინაძემ დამსწრე საზოგადოებას თემის აქტუალურობის საკითხი გააცნო და ნაშრომის შესახებ ვრცლად ისაუბრა.
„მდინარე მტკვარს უდიდესი მნიშვნელობა აქვს საქართველოსა და აზერბაიჯანისთვის. მტკვრისა და მისი შენაკადების წყალი საქართველოს ფარგლებში რწყავს 315 ათჰა-ზე მეტ ფართობს, აზრბაიჯანის ტერიტორიაზე თითქმის 1 მლნ.ჰა-ს ამიტომ, მისი დაბინძურების შესწავლა ერთ-ერთ პრიორიტეტული საკითხია საქართველოს ეკოლოგიური მდგარდობითვის“ - აღნიშნა ზაალ ცინაძემ.
სადოქტორო ნაშრომის თანახელმძღვანელები სტუ-ის სამშენებლო ფაკულტეტის დეკანი, პროფესორი დავით გურგენიძე და ბელოსტოკისტექნიკურიუნივერსიტეტისსამშენებლოფაკულტეტისგარემოსინჟინერიისდეპარტამენტისწამყვანისპეციალისტი, ტექნიკისმეცნიერებათადოქტორი, პროფესორანატოლიგურინოვიჩი არიან.
„საქართველოში, პირველად, მდინარე მტკვრის მედიკამენტოზური დაბინძურების საკითხი შევისწავლეთ. განსაზღვრულია დაბინძურებული ფარმაცევტული პრეპარატების ძირითადი ჯგუფები. გამოკვლეულია მათი რაოდენობრივი მახასიათებლები ჩამდინარ წყლებში. შესწავლილია ფსიქოტროპულ ნივთიერებათა ჯგუფი - ბენზოდიაზეპინები. განისაზღვრა მათი რაოდენობრივი განაწილება წლის სეზონების მიხედვით. მსგავსი კვლევა საქართველოში ჯერ არ ჩატარებულა და ვფიქრობთ, რომ ცინაძის ნაშრომი არა ერთი პრობლემის გადაწყვეტას სეუწყობს ხელს“, - განაცხადა ანატოლი გურინოვიჩმა.
ნაშრომის პრაქტიკული მნიშვნელობა გამოიხატება იმაში, რომ მდინარე მტკვარი პირველადაა განხილული როგორც წყალმომარაგების პოტენციური წყარო, იმ შემთხვევაში თუ წყლის გაწმენდის ღონისძიებებშისხვა დამაბინძურებლებთან ერთად გათვალისწინებული იქნება ფარმაცევტული ნივთიერებების ნეიტრალიზაცია.
„გარემოში მიმდინარე გლობალური ცვლილებები წყლის რესურსებისადმი განსაკუთრებულ ყურადღებასა და დამოკიდებულებას მოითხოვს. მითუმეტეს, თუ საქმე ეხება მდინარე მტკვარს - ტრანსსასაზღვრო მდინარეს, რომლის სხვა დამაბინძურებელ ფაქტორთა შორის ჩამდინარი წყლებიც დიდ ადგილს იკავებს. ჩამდინარ წყლებში მოხვედრილი ფარმაცევტული წარმოების ნარჩენები, ადამიანის მიერ მოხმარებული მედიკამენტები და მათი მეტაბოლიტები დიდ საშისროებას უქმნის მოსახლეობას და გარემოს. აღნიშნულ ნივთიერებათა სპექტრი საკმაოდ დიდია. მათი იდენტიფიკაცია, რაოპდენობრივი განსაზღვრა და ნეიტრალიზაცია საქართველოს პირობებში აქტუალური თემაა, სწორედ ამიტომ დიდი მნიშვნელობა აქვს ზაალ ცინაძის კვლევას“ – განაცხადა დავით გურგენიძემ.
