ბრიუსელში ჩრდილოატლანტიკური ალიანსის ძველ შტაბბინას გამოემშვიდობნენ. ამის შესახებ მიკრობლოგ "ტვიტერზე" ნატოს პრესმდივნის მოადგილემ პიერ კაზალემ დაწერა.
"დღეს ჩვენ ნატოს ძველ სახლს გამოვემშვიდობეთ. ძველ შენობაზე ნატოსა და მისი ყველა წევრის დროშები უკანასკნელად დავუშვით", - წერს პიერ კაზალე "ტვიტერზე".
დროშების დაშვების ცერემონიალშე ნატოს წევრი ქვეყნების სამხედროებმა მიიღეს.
ახალი ოფისის აშენების გადაწყვეტილება ალიანსმა 1999 წელს, ვაშინგტონის სამიტზე მიიღო, თუმცა მშენებლობა 2010 წელს დაიწყო.
კომპლექსის ფართობი 250 ათასი კვადრატული მეტრია და მოიცავს მაღაზიებს, ბანკებს, სილამაზის სალონებს, აუზს და საგამოფენო დარბაზებს. შენობა მეორე მსოფლიო ომისდროინდელი აეროდრომის ადგილზეა აშენებული.