"პუტინის გადაწყვეტილებით საქართველოს ეკონომიკა სერიოზულ დარტყმას გადაურჩა", ასე აფასებს ახალგაზრდა ფინანსისტთა და ბიზნესმენთა ასოციაციის პრეზიდენტი შოთა გულბანი რუსეთის პრეზიდენტის გადაწყვეტილებას, რომ საქართველოს სანქციები არ დაუწესოს.
გულბანის თქმით, ბოლო პერიოდში განვითარებული მოვლენების შედეგად ქვეყნის ეკონომიკური განვითარება მნიშვნელოვნად შეფერხდა.
"მე შორს ვარ იმ აზრისგან რო ვერ გადავიტანდით ამ დარტყმას, თუმცა პირველ ეტაპზე ზიანი იქნებოდა იმაზე უფრო დიდი, ვიდრე ჩვენ წარმოგვიდგენია და ვიდრე გასულ დღეებში ვიხილეთ პროგნოზები.
გასული სამი კვირის განმავლობაში მარტო ამ დაძაბული კერის ფონზე მნიშვნელოვნად შეფერხდა ეკონომიკური განვითარება, კერძოდ:
➡️ისტორიულ მაქსიმუმამდე გაუფასურდა ლარი;
➡️მცირე და საშუალო ტურისტულ მეურნეობებს ფაქტობრივად ჩაუვარდა სეზონი, სადღაც 80%-მა რუსი ტურისტების გააუქმა ჯავშანი. არადა ძირითადად ასეთ მცირე ბიზნესებს ბანკიდან აქვს სესხი აღებული და სეზონზე ტურისტების ნაკადების ზრდის იმედად იყვნენ, რა პასუხს გავცემთ ასეთ ხალხს?
➡️რვა ღვინის კომპანიას აეკრძალა რუსეთში ღვინის ექსპორტი და ჩემი ინფორმაციით ამას მოყვა სხვა მსხვილი კომპანიების ექსპორტის შეზღუდვაც, ძირითადად დამკვიდრებული ნეგატიური განნწყობილებების გამო;
რა შეიძლება მომხდარიყო თუ სანქციები მართლა დაგვიწესდებოდა:
➡️ტურისტული ნაკადების შეჩერების შემთხვევაში ჯამში
2 მილიარდ ლარზე მეტს ვკარგავთ;
➡️აგრო პროდუქტების ექსპორტის აკრძალვის შემთხვევაში მიმდინარე წლის ბოლომდე დანაკარგი დაახლოებით 500 მილიონი ლარი;
➡️ფულადი გზავნილების აკრძალვა დაახლოებით 1,3 მილიარდი ლარი;
➡️მათი იმპორტის შეზღუდვა გამოიწვევს ფასების ზრდას ცალკეულ პროდუქტებზე;
➡️ათასობით მევენახე დარჩება სამუშაოს და შემოსავლის გარეშე როცა ყურძენს აღარავინ ჩაიბარებს;
ეს ჩამონათვალი მხოლოდ ზედაპირზე არსებული პრობლემებია, რაც აუცილებლად და დანამდვილებით ვიცით რო მოხდება, მაგის გარდა კიდე უამრავი დაკავშირებული დარგებია, რაც პირდაპირ თუ ირიბად დაზიანდება სანქციების გამო.
ასე რომ, ის გონებაბრტყელი ადამიანი რომ იძახის უკრაინაში წაათრიეთ თქვენი ღვინო და ბორჯომიო, მასე არაა ბიძია საქმე, შენ რო ათიათასებს ღებულობ ყველა თვე და გლეხი წელებზე ფეხს იდგამს მთელი წელი რო მოსავალი მოიყვანოს, იოლია ხო უძახო მოღალატე და შეშინებული იმის გამო რო ელემენტარული საარსებო შემოსავალისთვის იბრძვის საკუთარი შრომით? აი ზუსტად ასეთები და მსგავსები გვღუპავენ და გვხევენ უკან", წერს Facebook-ში შოთა გულბანი.
