ყოველგვარი "პოლიტკორექტულობის" გარეშე მინდა ღიად დავაფიქსირო ჩემი პირადი მოსაზრება: არ არსებობს დღეს ქვეყანაში იმაზე უფრო ბინძური და ანტისახელმწიფოებრივი ძალა, ვიდრე ნაციონალური მოძრაობა და მათი ტელეარხი რუსთავი 2, - წერს სოციალურ ქსელში „ქართული ოცნების“ პოლიტიკური მდივანი ირაკლი ღარიბაშვილი.
„ეს არის დანაშაულებრივი ორგანიზაცია, რომელიც ყოველ დღე გეგმავს და ახორციელებს საშიშ პროვოკაციებს სახელმწიფოს და ხალხის წინააღმდეგ.
დღეს რაც მოვისმინეთ რ2-ის ეთერში არის ჩვენი ქვეყნის და თანამოქალაქეების წინააღმდეგ დაგეგმილი მორიგი მზაკვრული შეთქმულების ნაწილი, ისევე როგორც ხვალ დაანონსებული ე.წ. "ლგბტ" წარმომადგენლების "პროვოკაციული მარში", რომელიც რეალურად იმართება ნაციონალური მოძრაობის ორგანიზებით“, - წერს ღარიბაშვილი.