საქართველოს პრემიერ-მინისტრი მამუკა ბახტაძე მიკრობლოკ „ტვიტერში“ „რუსთავი 2“-ის ეთერში, გადაცემის წამყვანის, გიორგი გაბუნიას მიმართვას ეხმიანება.
„რაც დღეს ვიხილეთ „რუსთავი 2“-ის ეთერში, მეტი არაფერია, თუ არა პროვოკაციის ამაზრზენი გამოხატულება და ჩვენი ქვეყნის დესტაბილიზაციის მცდელობა. ეს სრულიად მიუღებელია!“, – წერს მამუკა ბახტაძე „ტვიტერში“.
ტელეკომპანია „რუსთავი 2“-ის გადაცემა „პოსკრიპტუმის“ წამყვანმა, გიორგი გაბუნიამ გადაცემა რუსულ ენაზე რუსეთის პრეზიდენტის, ვლადიმერ პუტინის გინებით დაიწყო. ტელეწამყვანმა მიმართვაში გინებით მოიხსენია რუსეთის პრეზიდენტის გარდაცვლილი მშობლებიც.