რუსთაველის გამზირზე საპროტესტო აქცია მიმდინარეობს. პროტესტის მეთვრამეტე დღეს მიკროფონთან მწერლები და პოეტები გამოდიან. ისინი უერთდებიან აქციის მონაწილეების მოთხოვნას, რომ 20 ივნისის მოვლენებთან დაკავშირებით გიორგი გახარიამ პასუხისმგებლობა უნდა აიღოს და გადადგეს.
"ჩვენმა საზოგადოებამ დაიცვა სახელმწიფოებრიობის პრინციპი, სახელმწიფოებრივი ღირსება, რაც სახელმწიფომ ვერ დაიცვა და პირიქით გაიცვალა როლები. ახალგაზრდებმა სრულიად გულწრფელად შეძლეს და დაიცვეს ჩვენი სახელმწიფო, მისი ღირსება, მისი კონსტიტუცია, მისი მთლიანობა, როგორც წარსულში, ისე მომავალში. ეს მთლიანობა განუყოფელია. მე ვფიქრობ, სრულიად ჯანმრთელი პროცესი იყო და არის ლეგიტიმური მოთხოვნები", - განაცხადა რატი ამაღლობელმა.