რუსთაველის გამზირზე საპროტესტო აქცია მიმდინარეობს. პროტესტის მეთვრამეტე დღეს მიკროფონთან მწერლები და პოეტები გამოდიან. ისინი უერთდებიან აქციის მონაწილეების მოთხოვნას, რომ 20 ივნისის მოვლენებთან დაკავშირებით გიორგი გახარიამ პასუხისმგებლობა უნდა აიღოს და გადადგეს.
აქციაზე იმყოფება პოეტი კოტე ყუბანეიშვილიც. მისი თქმით, ახალგაზრდებმა აჩვენეს მთელს საქართველოს მაგალითი იმის, თუ როგორ უნდა დაიცვან ქვეყნის ღირსება.
"ეს უნდა მოვინელოთ რაღაცნაირად რომ ეს აღარ იყოს, ეს შინაგანი წინააღმდეგობა შიგნით უნდა დარჩეს ჩვენში და გიჟებს არ უნდა დავემსგავსოთ. ამ ახალგაზრდებმა ეს გზა გაკვალეს. ამათ აჩვენეს მთელს საქართველოს მაგალითი. უკვე მზად იყვნენ ამისთვის. ამათ თვალებში გამოასხივა ამ შუქმა და ეს აღარ ჩაქრება. ჯობია რომ ნუ იბრძვიან. ხეებს რა უნდა უყოს ბიძინამ?", - განაცხადა კოტე ყუბანეიშვილმა.