პარლამენტის წევრი „ევროპული საქართველოდან“ ზურაბ ჭიაბერაშილი „თბილისი პრაიდის“ ჩატარებაზე სოციალურ ქსელში წერს, რომ ქვეყანა დგას დიდი პოლიტიკური ცვლილებების წინაშე, რომელიც 2020 წლის საპარლამენტო არჩევნებში აუცილებლად მოხდება, რაც, სხვა უზარმაზარ ცვლილებებთან ერთად მან უნდა მოიტანოს - იქნება ქვეყანაში სექსუალური უმცირესობების პრობლემის მოხსნა.
"მიმაჩნია, რომ გავრილოვის პარლამენტის სკამში ჩაჯდომაზე ახალგაზრდობის მწვავე რეაქციაში მნიშვნელოვანი როლი წინა დღეების განმავლობაში ვასაძისა და შავრაზმული ჯგუფების ხელისუფლებისგან დაცულმა სრულიად უკონტროლო, ფაშისტურმა თარეშმა ითამაშა.
ახალგაზრდებმა დაინახეს, რომ რუსეთი თბილისიდან 40 კილომეტრში კი არ დაგს მხოლოდ ტანკებით, არამედ აქაა, თბილისის ქუჩებში, სადაც რაიმეთი განსხვავებულ (თუნდაც თმის ფერით ან საყურით) ადამიანებს ერჩიან. ამ ახალგაზრდებმა დაინახეს, რომ თუ ინიციატივა "ოცნების", ვასაძისა და "პატრიოტთა ალიანსის" ხელშია, მათ ევროპული მომავალი არ აქვთ.
და ისინი გამოვიდნენ ქუჩაში და დღემდე დგანან იქ.
გაგაგახსენებთ: "ვარდების რევოლუციამ" და მაშინდელი მთავრობის მოსვლამ ხელისუფლებაში არსებითად მოხსნა ქვეყანაში რელიგიური უმცირესობების პრობლემა. "ოქნების" მოსვლას ხელსიუფლებაში კი მოჰყვა გართულებები ამ საკითხში და პრობლემები დღემდე რჩება, მაგრამ არსებითად საზოგადოებამ ეს ვირუსი მოიხადა.
ახლაც ვდაგავრთ დიდი პოლიტიკური ცვლილებების წინაშე, რომელიც 2020 წლის საპარლამენტო არჩევნებში აუცილებლად მოხდება. რაც, სხვა უზარმაზარ ცვლილებებთან ერთად მან უნდა მოიტანოს ქვეყანაში სექსუალური უმცირესობების პრობლემის მოხსნა. და ეს მოხდება, ვინმეს ეს უნდა თუ არა. და უნდა მოხდეს. ამიტომ: მხოლოდ თავად თემის წარმომადგენლები გადაწყვეტენ, როდის და სად ჩაატარონ პრაიდი. თუ რაიმე მიზეზით მათ ამათ ვუშლით - თუნდაც ფრაზით "ახლა ამის დრო არ არის" - იცოდეთ, რომ გავრილოვი ისევ ზის იმ სკამში“, - წერს ჭიაბერაშვილი.