ბიზნესმენი ლევან ვასაძე მომხრეებს შეკრებისკენ მოუწოდებს, რათა არ დაუშვან 8 ივლისს დაანონსებული „თბილისი პრაიდის“ ჩატარება. ვასაძე ვიდეომიმართვაში მოუწოდებს მომხრეებს, რომ ხელზე შეიბან თეთრი ცხვირსახოცები ან ზეწრის ნაჭრები, რათა ერთმანეთი ამოიცნონ და ასევე ქამრები, რათა პრაიდის მონაწილეები „გაათრიონ“.
„თან იქონიეთ ხელზე შებმული თეთრი ცხვირსახოცები ან ზეწრის ნაჭრები, რათა ამოვიცნოთ ერთმანეთი და ასევე ხელზევე შებმული ქამრები, რათა იქიდან შევძლოთ გავათრიოთ ჩვენი ქვეყნის შეურაცხმყოფელები“,- თქვა ვასაძემ ვიდეომიმართვაში.
მან ასევე აღნიშნა, რომ თუ იქ იქნება პოლიციის კორდონი, ისინი გარღვევებენ და „უსირცხვილობისა და გარყვნილების პროპაგანდისტების იქიდან გათრევევენ“.
შეგახსენებთ, დღეს, თბილისი პრაიდის ორგანიზატორებმა განაცხადეს, რომ "ღირსების მარში" რომელიც ქვეყანაში განვითარებული მოვლენების გამო გადაიდო, ხვალ 8 ივლისს გაიმართება.
