Euronews-ი საქართველოში, კერძოდ კი ქუთაისში დაგეგმილი ელექტრომობილების წარმოების შესახებ წერს.
"გადაცემა "ფოკუსის“ წინა ეპიზოდში, ჩვენ ვესტუმრეთ ქუთაისს, საქართველოს მეორე ყველაზე დიდ ქალაქს - საქართველოს ინდუსტრიულ, კულტურულ და საგანმანათლებლო ცენტრს.
სულ მალე, ქვეყნის ისტორიაში პირველად (ასევე სამხრეთ კავკასიის რეგიონში), ქუთაისში დაიწყება ელექტრომობილების ქარხნის მუშაობა. ქართული კერძო კომპანია და ჩინური ჯგუფი, გაერთიანებული ძალებით, ქუთაისის გარეუბანში პროდუქციის წარმოებას დაიწყებენ.
პროექტი (რომელსაც მხარს უჭერს საქართველოს მთავრობა) მოიცავს საწარმოო ინფრასტრუქტურის მოწყობას. მას მოჰყვება ფერწარმოქმნისა და შედუღების მოწყობილობების მშენებლობა. ასევე იგეგმება მზის პანელების ქარხანის მშენებლობაც. 2020 წლისთვის, საქართველოში პირველი ელექტრომობილი გაიყიდვა იგეგმება", - წერს "Euronews"-ი.
"ევრონიუსი" კომპანიის ბორდის დირექტორს, კახა გულედანს ესაუბრა:
„ჩვენ ვაპირებთ ინვესტირებას პროექტებში, რომლებიც დაიცვან და გაუფრთხილდებიან გარემოს. ბიზნესის სპეციფიკის გამომდინარე, ეს ინვესტიციები შედარებით დიდია. ის მოითხოვს სპეციალურ ინფრასტრუქტურას, მათ შორის, ელექტროენერგიის დამუხტვისა და მზის ენერგიის მისაღებად სადგურების განთავსებას მთელი ქვეყნის მასშტაბით. რაც შეეხება დასაქმებას, საწყის ეტაპზე, ჩვენ ვაპირებთ 300-მდე ადგილობრივი კადრის მოძიებას, თუმცა საოპერაციო ფაზაში კიდევ ბევრი შემოგვიერთდება. ეს ძალიან მნიშვნელოვანია ქუთაისის და ზოგადად მთელი რეგიონისთვის“,- განაცხადა კახა გულედანმა.
საწარმოს მოცულობა წელიწადში 40 000 ელექტრომანქანა იქნება, ხოლო თავდაპირველად, ოთხი ელექტრული მოდელი იქნება წარმოებული. შიდა ბაზარზე მოხმარებისთვის სულ მცირე მათი ნახევარია გათვლილი.
საქართველოს მთავრობისთვის, ეს არის ქვეყნის ეკონომიკის „გამწვანების“ გეგმის მორიგი პროექტი. ეს პროექტი კი საქართველოში მანქანათმშენებლობის ინდუსტრიას განავითარებს“, - წერს "Euronews"-ი.
პროექტის თანახმად, ინდუსტრიული ჯგუფი „აი გრუფი" ქუთაისში ინდუსტრიული კომპლექსის მშენებლობას იწყებს, რომელიც 100 ჰა ფართობზე განთავსდება. პირველი პროექტი ელექტრომობილების საწარმოა, სადაც საწყის ეტაპზე დაახლოებით 300 ადგილობრივი მოსახლე დასაქმდება, ხოლო საწარმოს წარმადობა იქნება 5000 ელექტრომობილი. პროექტი ხორციელდება მსხვილი ჩინური კორპორაციის "ჩანგანის" პარტნიორობით.
ამ თემაზე: