შვიდი ადამიანი, მათ შორის ქვანახშირის მაგნატი, მილიარდერი კრის კლაინი ბაჰამის კუნძულებზე ვერტმფრენის ჩამოვარდნის შედეგად დაიღუპა.
მედიის ცნობით, ვერტმფრენი ატლანტის ოკეანეში ბაჰამის კუნძულების სიახლოვეს ჩავარდა. ვერტმფრენმა კატასტროფა აფრენისთანავე განიცადა.
ბორტზე სულ შვიდი ადამიანი იმყოფებოდა. მათგან არავინ გადარჩენილა. კლაინი 62 წლის იყო. სხვა მგზავრების ვინაობა ჯერ დადგენილი არ არის.
Forbes-ის მონაცემებით, კლაინის ქონება 1,8 მლრდ დოლარს შეადგენდა.
