სამდღიანი დაძაბული და ხანგრძლივი კონსულტაციების შემდეგ, ბრიუსელში, ევროკავშირის ლიდეერები ევროკავშირის საკვანძო თანამდებობების კანდიდატურებზე შეთანხმდნენ. ამის შესახებ ინფორმაცია ევროპულის საბჭოს პრეზიდენტმა დონალდ ტუსკმა მიკრობლოგ "ტვიტერის" საშუალებით გაავრცელა.
როგორც ირკვევა, ევროპული საბჭოს პრეზიდენტად ბელგიის პრემიერ მინისტრი შარლ მიშელი შეარჩიეს, რომელიც ამ თანამდებობაზე დონალდ ტუსკს შეცვლის. ხოლო ანგელა მერკის ფავორიტად მიჩნეული, გერმანიის თავდაცვის მინისტრი, ურსულა ვან დერ ლეიენი ევროკომისიის ხელმძღვანელის კანდიდატად წარადგინეს, რომელიც ამ თანამდებობაზე ჟან კლოდ იუნკერს შეცვლის.
რაც შეეხება საგარეო საქმეთა და უშიშროების პოლიტიკის სფეროში ევროკავშირის უმაღლესი წარმომადგენლის პოსტს, მის კანდიდატად ესპანეთის საგარეო საქმეთა მინისტრი ჟოზეფ ბორელფონტელსი დაასახელეს.
ევროპის ცენტრალური ბანკის ხელმძღვანელის თანამდებობაზე საერთაშორისო სავალუტო ფონდის ხელმძღვანელი კრისტინ ლაგარდი წარადგინეს.