„ძალიან გთხოვთ, ბატონო მინისტრო, იქონიეთ კაცობა და წადით,“ - ამ სიტყვებით ოპერის მომღერალმა, ანიტა რაჭველიშვილმა შს მინისტრს მიმართა.
თავისუფლების მარშს ანიტა რაჭველიშვილი შეუერთდა და აქციის მონაწილეების მოთხოვნას სრულად იზიარებს, რომელიც შს მინისტრის გადადგომას გულისხმობს.
ანიტა რაჭველიშვილის თქმით, სამართალდამცავები მოქალაქეებზე ნადირობდნენ. რაჭველიშვილი ამბობს, რომ აქციის მონაწილეები უსამართლობას და ძალადობას ებრძვიან.
„ეს არის აქცია, რომლითაც ჩვენ ვებრძვით უსამართლობას, ჩვენ ვებრძვით იმ რეჟიმს, რომელსაც ვებრძოდით ყოველთვის და ვებრძვით ძალადობას. არავის აქვს უფლება, უდანაშაულო მოქალაქეს მოექცეს ისე, როგორც ჩვენ მოგვექცა გახარია. ასე, რომ ძალიან გთხოვთ, ბატონო მინისტრო, იქონიეთ კაცობა და წადით", - განაცხადა რაჭველიშვილმა.
ფოტო: ტაბულა