რუსეთის დუმის დეპუტატი სერგეი გავრილოვი საქართველოში ჩამოსვლას აანონსებს. ამის შესახებ რუსული გამოცემა "ინტერფაქსი" წერს.
ჟურნალისტის კითხვაზე აპირებს თუ არა საქართველოში ჩასვლას, დეპუტატმა უპასუხა "დიახ, თუნდაც ხვალ".
"მე ძალიან მინდა, მე იქ პირადი გეგმები მაქვს. ჩვენ დავგეგმეთ, შვილებთან ერთად, შემოდგომით მომლოცველობა, როდესაც სიცხე შემცირდება. მინდა რომ ჩემმა შვილებმა ამ ქვეყნის შესახებ იცოდნენ, იმიტომ რომ ისეთი ადგილი, როგორც საქართველოა ჩვენ სხვა არ გვაქვს", - განაცხადა დეპუტატმა.
გავრილოვმა აღნიშნა ისიც, რომ საქართველოში მართლმადიდებლობის საპარლამენტთაშორისო ასამბლეაზე გამგზავრებამდე ლოცვა-კურთხევა მოსკოვის პატრიარქ კირილისგან მიიღო.
"საქართველოში წასვლამდე მივიღე ზიარება და მოვინახულე პატრიარქი კირილი და მე მას რჩევები ვკითხე. მან მე დამლოცა და მითხრა, რომ ჩვენ გვჭირდება ურთიერთობების გაუმჯობესება", - ამბობს გავრილოვი.