რატომ ვიწყებთ შუიდან? ზის ახლა აქ ნიკანორ მელია, როგორც განტევების ვაცი - ეს განცხადება, პარლამენტის ფრაქცია „პატრიოტთა ალიანსი და სოციალ-დემოკრატების“ წევრმა, ემზარ კვიციანმა გააკეთა.
კვიციანი დაინტერესდა, რატომ არ არის გამოძიებული ის შემთხვევა, როდესაც 20 ივნისს, ოპოზიციის წევრები პარლამენტში შეიჭრნენ და ასამბლეა ჩაშალეს.
„ვინც 20 ივნისს, პროვოკაცია მოაწყო და ვინც 20 ივნისის პროვოკაცია დაგეგმა, გამოძიებულია უკვე და დადგენილია ის ადამიანები? რატომ პირდაპირ 21-ზე გადავედით და არ არის გამოძიებული, ანდა არ ითხოვთ იმ ადამიანების იმუნიტეტის შეჩერებას, როლებიც 20 რიცხვში აქ შემოვარდნენ, ჩაშალეს ასამბლეა და ამით დიდი ზარალი იყენებს ჩვენს ქვეყანას პოლიტიკურიც და ეკონომიკურიც. რატომ ვიწყებთ შუიდან. ზის ახლა აქ ნიკანორ მელია, როგორც განტევების ვაცი. სამარცხვინოა უბრალოდ, ყველაფერი რაც ამ საქართველოში ხდება,“ - განაცხადა ემზარ კვიციანმა.
ემზარ კვიციანი დეპუტატებს მოუწოდებს ნიკა მელიას თავდებში დაუდგნენ. მისი თქმით, ფაქტია, რომ ნიკა მელია არსად გაქცევას არ აპირებს და ვინაიდან მისი პატიმრობის აუცილებლობა არ არსებობს, მაშინ შესაძლოა რომ მის მიმართ პატიმრობა არ იქნას გამოყენებული. ემზარ კვიციანი ასევე მიმართავს დეპუტატებს დაუშვან შესაძლებლობა რომ ნიკა მელიას მიმართ შინა პატიმრობა იქნას გამოყენებული.
„ჩვენ 21 ში ვიხილეთ ძალიან ბევრი ადამიანი რომლებიც მოუწოდებდნენ . მახსოვს ასეთი ფრაზა: ივანიშვილს ხელიდან უნდა წავგლიჯოთ ხელისუფლება. გახსოვთ ალბათ ხო მაგის ავტორი, ქვეყნის გამყიდველი ირაკლი ოქრუაშვილი. რომელსაც არ სჭირდება შეჩერება არც იმუნიტეტის და არც ჩამორთმევა. არის დაკითხული ან დაკავებული? რაც შეეხება ნიკანორ მელიას, არის მასზე სისხლის სამართლის საქმე აღძრული. გირაოთია გამოშვებული და არც გაქცეულა არსად. დღესაც აგერ მოვიდა, ზის და გისმენთ. ანუ ყველა საფუძველი არსებობს, რომ არსად არ გაიქცევა და რატომ არის აუცილებელი მაგისი პატიმრობაში ყოფნა ძალიან მაინტერესებს. თუ არის საშუალება მაგისი რომ დეპუტატები ვისაც სურვილი ექნება რომ თავდებში დაუდგეს ნიკანორ მელიას არის თუ არა შესაძლებლობა რომ აიღონ დეპუტატებმა ტავის თავზე , რომ ნიკანორ მელია არ გაიქცევა და არ შეუშლის. ან შიდა პატიმრობა იყოს. მიუხედავად იმისა რომ სხვადასხვა მიმართულებები გვაქვს ჩვენ პოლიტიკური ის არის ჩვენი კოლეგა და ეს ისტორიაში ჩაიწერება რომ მეცხრე მოწვევის პარლამენტარებმა თავისი კოლეგა გაწირეს. რადგან მივიღეთ, მივიყვანეთ და დავსვით აქ, მაშინ კეთილი ინებეთ და კოლეგიალობა დავიცვათ. ამიტომ მოვითხოვოთ შინა პატიმრობა სანამ არ მორჩება გამოძიება,“-განაცხდა ემზარ კვიციანმა.
