2011 სააკაშვილმა, მისი ინიციატივით, მე მაქვს ინფორმაცია, რომ ცდილობდა პუტინთან შეხვედრას, პატიებას სთხოვდა, - განაცხადა "ქართული ოცნების" პოლიტიკურმა მდივანმა, ირაკლი ღარიბაშვილმა ტელეკომპანია "პირველის" გადაცემა "რეაქციაში", 20 ივნისის მოვლენებზე საუბრისას.
მისი თქმით, ამის საპასუხოდ, სააკაშვილის ინიციატივით, უვიზო რეჟიმი დაუწესდა რუსეთის მოქალაქეებს და კაპიტულანტურად მისცა სააკაშილმა თანხმობა რუსეთს მსოფლიო სავაჭრო ორგანიზაციაში გაწვერიანებაზე.
"მე მინდა საზოგადოებას შევახსენო, სააკაშვილი არ იყო ის ადამიანი, რომელიც რუსეთის გარანტიით, კერძოდ, ბატონო პრიმაკოვის გარანტიით მოვიდა ხელისუფლებაში? სააკაშვილი არ იყო ის ადამიანი, ვინც 2004-2007 წლებში ჩვენი ქვეყნის ძირითადი ენერგეტიკული აქტივები, ობიექტები გადასცა რუსეთს? სააკაშვილი არ იყო ის, ვინც რუსული ჯარი დააბრუნა ქვეყანაში და დაუკანონა ოკუპაცია. დაკარგა ცხინვალი, კოდორი, აფხაზეთი? ათასობით დევნილი... რაზე საუბრობენ, უბრალოდ. გავრილოვის, ერთი ვიღაც კომუნისტის შემოსვლით საქართველოში, ეს ყველაფერი გადაწონილია?
უფრო მეტს გეტყვით, 2011 წელს, სააკაშვილმა, მისი ინიციატივით, მე მაქვს ინფორმაცია, რომ ცდილობდა პუტინთან შეხვედრას, პატიებას სთხოვდა. ამის საპასუხოდ, სააკაშვილის ინიციატივით, უვიზო რეჟიმი დაუწესდა რუსეთის მოქალაქეებს. ამის საპასუხოდ და ამის გასამყარებლად, ყოველგვარი პირობის გარეშე, კაპიტულანტურად მისცა სააკაშილმა თანხმობა რუსეთს მსოფლიო სავაჭრო ორგანიზაციაში გაწევრიანებაზე. და ამის მემკვიდრეები, ჩვენ გველაპარაკებიან გავრილოვის შემოსვლაზე, რასაც ქვეყნის მეორე პირი შევწირეთ?", - განაცხადა ღარიბაშვილმა.
