პოლიცია მტკიცედ დადგა სახელმწიფოსა და ხალხის მხარეს და არა, ნაძირალა სააკაშილის მხარეს, - განაცხადა „ქართული ოცნების“ პოლიტიკურმა მდივანმა, ირაკლი ღარიბაშვილმა ტელეკომპანია "პირველის" გადაცემა "რეაქციაში", 20 ივნისის მოვლენებზე საუბრისას.
მისი თქმით, 20 ივნისს, პოლიცია იცავდა ქვეყნის კონსტიტუციას.
"ჩვენი პოლიცია იცავდა, ჩვენი ქვეყნის კონსტიტუციას. პოლიცია მტკიცედ დადგა სახელმწიფოსა და ხალხის მხარეს და არა - ნაძირალა სააკაშილის მხარეს, რომელსაც ჰქონდა მანამდე მოწოდება. მან მიმართა პოლიციას, რომ არ დამორჩილებოდა კანონიერ ხელისუფლებას.
„ნაცმოძრაობა“ ჩამოყალიბდა ძალიან საშიში ორგანიზაციად. ეს არის რადიკალური ტერორიზმისკენ გადახრილი ორგანიზაცია, ძალიან საშიში გამოვლინებებით.
აქედან გამომდინარე, სახელმწიფო ვერ და არ დაუშვებდა არანაირ პრეცენდენტს. ასეთი პრეცენდენტი, მცდელობაც კი უნდა იყოს თავშივე ჩახშობილი. ყველა ის პირი, რომელიც ამ ძალიან საშიშ პროვოკაციაში მონაწილეობდა, სახელმწიფოს წინააღმდეგ უნდა იყოს უმკაცრესად დასჯილი. მე ამის მომხრე ვარ. უფრო მეტს გეტყვით, მე მომხრე ვიყავი და ვარ, იმავე ღამეს მომხდარიყო ყველას დაკავება. მთ შორის, იმ აგრესიული 200 თუ სამასი ადამიანის“, - განაცხადა ღარიბაშილმა.
