"20 ივნისს ქვეყანამ აიცილა სახელმწიფო გადატრიალება, ეს ნუ დაგვავიწყდება ნურავის", - განაცხადა „ქართული ოცნების“ პოლიტიკურმა მდივანმა, ირაკლი ღარიბაშვილმა ტელეკომპანის „პირველის“ გადაცემა „რეაქციაში“, 20 ივნისს განვითარებულ მოვლენებზე საუბრისას.
"20 ივნისს ქვეყანამ აიცილა სახელმწიფო გადატრიალება, ეს ნუ დაგვავიწყდება ნურავის. გაბედა ამ ანტიეროვნულმა, ანტისახელმწიფოებრივმა ძალამ, ნაცმოძრაობამ და დაგეგმა ძალიან საშიში პროვოკაცია. მათ მოინდომეს პარლამენტის შენობის დაკავება ძალისმიერი მეთოდებით. გაუწიეს ორგანიზება მასობრივ ძალადობას, სახელმწიფოსა და პოლიციის წინააღმდეგ. ამაზე რატომ არ ვსაუბრობთ? სამი საათის განმავლობაში, ჩვენი პოლიცია იტანდა და იგერიებდა ენითაღუწერელ შეურაცხყოფას და ფიზიკურ ძალადობას. 200-300 ადამიანი, მათ ეტყობოდათ რომ სპეციალური წვრთნა ჰქონდათ გავლილი და ეს სამასი ადამიანი უწევდა მთელ ამ ქაოსს ორგანიზებას და შტურმი იყო მათ მიერ ორგანიზებული“, - განაცხადა ღარიბაშვილმა.