სომხეთის პარლამენტის დეპუტატმა, მმართველი პარტიის წევრმა, რუბენ რუბინიანმა განაცხადა, რომ ევროსაბჭოს საპარლამენტო ასამბლეაში მისი ხმა რუსეთის დაბრუნების წინააღმდეგ ტექნიკური შეცდომა იყო.
ევროსაბჭოს საპარლამენტო ასამბლემ მიიღო რეზოლუცია ორგანიზაციაში რუსეთის დაბრუნების შესახებ.
დღეს Facebook-ის სომხურ აუდიტორიაში გავრცელდა ხმის მიცემის შედეგების "სქრინშოთები", სადაც ჩანს, რომ რუბინიანი რეზოლუციის წინააღმდეგ აძლევს ხმას.
შეგახსენებთ, ევროსაბჭოს საპარლამენტო ასამბლეამ რუსეთის დელეგაცია ივნისის სესიაში მონაწილეობისთვის მიიწვია. შესაბამისი რეზოლუცია ასამბლეამ ცხრასაათიანი განხილვის შემდეგ მიიღო.
პარლამენტარებმა რეგლამენტში ცვლილება შეიტანეს, რომელიც რუსეთს შესაძლებლობას აძლევს ორგანიზაციაში დაბრუნდეს.
"წევრების ხმის მიცემის, ასამბლეაში გამოსვლისა და წარმომადგენელბის ყოლი უფლება მის ორგანოებში არ შეჩერდება და არ ანულირდება“, - ნათქვამია დოკუმენტის ტექსტში.
საქართველოს, უკრაინისა და ბრიტანეთის დელეგაციებმა რეზოლუციაში 222 შესწორება შეიტანეს, თუმცა ევროსაბჭოს საპარლამენტო ასამბლეამ მხოლოდ ერთი მიიღო.
