Toy Story-ს, მულტფილმს, რომლის გამოსვლასაც ფანები წლებია ელოდებიან, მსოფლიოს მასშტაბით პრემიერა აქვს და კინოგაქირავებაში რეკორდებს ხსნის.
ამერიკის შეერთებულ შტატებში, „სათამაშოების ისტორიის“ ახალი სერია ქვეყნის ისტორიაში ერთ-ერთი ყველაზე შემოსავლიანი ფილმია და მე-4 ადგილს Incredibles 2-ის, Finding Dory-სა და შრეკი 3-ის შემდეგ იკავებს. პირველ კვირაში შემოსავლები მსოფლიოს მასშტაბით 238 მილიონს აღწევს.
ფილმმა, დიდ ბრიტანეთში პრემიერის პირველ კვირაში, რეკორდული 15 მილიონიანი შემოსავლით ქვეყნის ისტორიაში ყველაზე მაღალშემოსავლიანი მულტფილმის სტატუსი მოიპოვა.
„სათამაშოების ისტორიის“ პრემიერას ჯერ კიდევ ელოდებიან საფრანგეთში, გერმანიაში, იტალიასა და იაპონიაში.
„სათამაშოების ისტორია“ წლევანდელი 100 მლნ + შემოსავლიანი ფილმებიდან ერთ-ერთია. სამეულში მოხვდნენ „კაპიტანი მარველი“ და „შურისმაძიებლები“.
შეგახსენებთ, „სათამაშოების ისტორიის“ პირველი ნაწილი 24 წლის წინ, 1995 წელს გამოვიდა. ის არის Pixar-ის პირველი სრულმეტრაჟიანი ფილმი, ასევე პირველი ანიმაციური ფილმი, რომელიც სრულადაა შექმნილი კომპიუტერული ტექნოლოგიით.