ქართველი დეპუტატები აპირებენ დაესწრონ მოსკოვში პარლამენტარიზმის განვითარების საერთაშორისო ფორუმს, რომელიც ივლისის დასაწყისში ჩატარდება, - ამის შესახებ რუსეთის დუმის დსთ-ის საქმეთა კომიტეტის თავმჯდომარემ, ლეონიდ კალაშნიკოვმა განაცხადა.
„ქართული დელეგაცია - „საქართველოს პატრიოტთა ალიანსის“ დეპუტატები ჩამოსვლას აპირებენ. უახლოეს დღეებში მიღებული იქნება საბოლოო გადაწყვეტილება“, - განუცხადა კალაშნიკოვმა ჟურნალისტებს.
მისი თქმით, რუსეთი მზად არის დაიცვას ფორუმის ყველა მონაწილის უსფრთხოება, მათ შორის, ქართული დელეგაციის.
