ლიეტუვის ელჩი თანამოქალაქეებს საქართველოში სამოგზაუროდ იწვევს და ამ ჟესტით ქართული ტურიზმის მხარდაჭერისკენ მოუწოდებს. ამის შესახებ დიპლომატი „ტვიტერში“ წერს და საქართველოში გადაღებულ ფოტოებს ავრცელებს.
„ ყველას გეპატიჟებით საქართველოში სამოგზაუროდ, რათა მხარი დავუჭიროთ საქართველოს ტურიზმის ინდუსტრიას - შესანიშნავი გარემო თქვენი თავგადასავლის მოლოდინში“,- დაწერა გიედრიუს პუოჯუნასიმ მიკრობლოგ ტვიტერში.
აღსანიშნავია, რომ ლიეტუველთა მხარდაჭერის კამპანია თავდაპირველად ლიეტუვაში საქართველოს ელჩმა ხათუნა სალუქვაძემ წამოიწყო. მან მოუწოდა ლიეტუველებს, ეწვიონ საქართველოს და სთხოვონ თავიანთ მეგობრებს, რომ ისინიც ჩამოვიდნენ საქართველოში.
ხათუნ სალუქვაძის პოსტს ფეიბუკზე უამრავი ლიეტუველის მხარდამჭერი კომენტარი მოჰყვა.