რამზან კადიროვმა, სოციალურ ქსელ „ტელეგრამში“ საქართველოში მიმდინარე მოვლენებს გამოეხმაურა.
კადიროვმა მუქარისშემცველი განცხადება გააკეთა და საქართველოს ხელისუფლებას შეახსენა, რომ თბილისამდე 200 კილომეტრია.
„შეშფოთებას გამოვთქვამ საქართველოში მიმდინარე მოვლენების გამი. მინდა შეგახსენოთ, რომ გროზნოდან თბილისამდე მხოლოდ 200 კილომეტრია. რუსეთში კი არაოფიციალური მონაცემებით, თითქმის ერთი მილიონი ქართველია, ხოლო ჩვენს ხალხებს საუკუნეების მანძილზე მეგობრული თანაცხოვრების იტორია აქვთ“,- დაწერა კადიროვმა.
კადიროვის განცხადებით, ქართული კულტურა, ლიტერატურა და ხელოვნება მსოფლიომ რუესეთის წყალობით გაიცნო.
„ქართული კულტურა, ლიტერატურა და ხელოვნება მსოფლიომ სწორედ რუსეთის წყალობით გაიცნო. სწორედ რუსეთში გაიფურჩქნა იმ მწერლების, პოეტების, კომპოზიტორებისა და მსახიობების ნიჭი, რომლებიც ახლა ქართველებად არიან ცნობილნი. რაც შეეხება საქართველოსა და ჩრდილოეთ კავკასიის ხალხებს, ჩვენ ათასი მიზეზი გვაქვს მშვიდობით და ურთიერთთანხმობით ვიცხოვროთ და არ ვუყუროთ ერთმანეთს სიძულვილით“,- აღნიშნა კადიროვმა „ტელეგრამში“.
