ფოთის საქალაქო სასამართლომ ფოთში დაკავებულ მწვრთნელებს აღკვეთის ღონისძიების სახით ოთხიათასლარიანი გირაო შეუფარდა. მწვრთნელები ბრალს მხოლოდ ნაწილობრივ აღიარებენ.
საქმე ეხება 16 ივნისს მომხდარ ინციდენტს, რომელიც ფოთში ტაეკვონდოს ღია ჩემპიონატზე მოხდა. ერთმანეთს ტაეკვონდოს ფედერაციის გამგეობის წევრები და მწვრთნელები დაუპირისპირდნენ.
მწვრთნელების განცხადებით, გამგეობის წევრებმა პროვოკაცია მოაწყვეს, რაც ფიზიკურ დაპირისპირებაში გადაიზარდა.
სამართალდამცველებმა სამი მწვრთნელი დააკავეს. შემდეგი სასამართლო სხდომა 26 ივნისსა დანიშნული.