აშშ-ის სახელმწიფო დეპარტამენტი შეშფოთებას გამოთქვამს ლგბტქ თემის წინააღმდეგ გამოთქმული მუქარებით “თბილისი პრაიდის” მარშის წინ. აღნიშნულთან დააკვშირებით აშშ-ის სახელმწიფო დეპარტამენტის წარმომადგენელმა, "ამერიკის ხმის" კითხვაზე 17 ივნისის ბრიფინგზე განაცხადა.
"სახელმწიფო დეპარტამენტი ღრმადაა შეშფოთებული ლგბტქ თემის წინააღმდეგ გამოთქმული მუქარებით “თბილისი პრაიდის” მარშის წინ და კატეგორიულად გმობს ადამიანების დევნას რაიმე, კერძოდ, სექსუალური ორიენტაციის ან გენდერული იდენტობის მიზეზით. აშშ-ის საგარეო უწყება, ამასთან, მიესალმება საქართველოს მთავრობის განცხადებას, რომ ის თითოეული ადამიანის შეკრებისა და გამოხატვის თავისუფლებას დაიცავს", - აღნიშნავს სახელმწიფო დეპარტამენტი.
განცხადებაში ასევე ნათქვამია, რომ აშშ კვლავ მოუწოდებს საქართველოს ხელისუფლებას ყველა მოქალაქე დაიცვას სექსუალური ორიენტაციის და გენდერული იდენტობის მიუხედავად.