11 წლის ბავშვი დაიხრჩო რუსთავის კულტურისა და დასვენების პარკში ხელოვნური ტბის ცურვისთვის გამოყოფილ ტერიტორიაზე. უბედური შემთხვევა დღეს, 17 ივნისს მოხდა.
თვითმხილველების ინფორმაციით, ტბაზე რამდენიმე ბავშვი თამაშობდა. გარკვეული პერიოდის შემდეგ, ისინი დაცვის თანამშრომელთან მივიდნენ და ერთ-ერთი მათგანის მოძებნაში დახმარება სთხოვეს. დაცვის თანამშრომელი იხსენებს, რომ ბავშვებს თავიდანვე არ უთქვამთ, რომ 11 წლის მოზარდი წყალში იყო. ამის შესახებ მათ მოგვიანებით გაამხილეს. რ გარდაცვლილი მოზარდი 15-წუთიანი ძებნის შემდეგ იპოვეს.
შინაგან საქმეთა სამინისტროს რუსთავის პოლიციის სამმართველოში მომხდარ ფაქტზე სისხლის სამართლის საქმე აღიძრა.