ცოტა ხნის წინ, სამართალდამცავებმა მთავრობის ადმინისტრაციასთან, სავარაუდოდ, "თბილისი პრაიდის" ერთ-ერთი ორგანიზატორი გიორგი თაბაგარი დაააკვეს. აღნიშნული ინფორმაცია ჟურნალისტებს "ქალთა მოძრაობის" ერთ-ერთმა ლიდერმა იდა ბახტურიძემ განუცხადა.
მედიასაშუალებების მიერ გავრცელებულ კადრებში ჩანს, თუ როგორ ჩასვეს პოლიციის ავტომანქანაში პოლიციელებმა თაბაგარი, თუმცა ამ დროისთვის, არ ვრცელდება ოფიციალური ინფორმაცია, დააკავეს თუ ადგილს გაარიდეს გიორგი თაბაგარი.
19:00 საათზე ლგბტ თემის წარმომადგენლების აქცია, სახელწოდებით "სახელმწიფო გამოდი, სად ხარ?" - უნდა გამართულიყო.
"თბილისი პრაიდის“ აქციამდე, მთავრობის ადმინისტრაციასთან ლევან ვასაძე, გურამ ფალავანდიშვილი და სასულიერო პირები მივიდნენ, რომლებმაც განაცხადეს, რომ არ დაუშვებენ თბილისში ლგბტ პრაიდის გამართვას.
შეგახსენებთ, დღეს, საპატრიარქო განცხადებით გამოეხმაურა 18-23 ივნისს თბილისში დაგეგმილ პრაიდს და განაცხადა, რომ საქართველოს ეკლესიას თბილისში ლგბტ პრაიდის ჩატარება ყოვლად მიუღებლად მიაჩნია.
გარდა ამისა, საპატრიარქომ მოუწოდა ხელისუფლებას არ დაუშვან აღნიშნული ღონისძიების ჩატარება.
განახლება
ამ დროისთვის, გიორგი თაბაგარი გათავისუფლებულია და იგი დაბრუნდა მთავრობის ადმინისტრაციასთან. შსს-ის სამინისტროს ინფორმაციით, გიორი თაბაგარი არ დაუკავებიათ, ის მხოლოდ დროებით გაარიდეს ტერიტორიას.