ეკონომიკისა და მდგრადი განვითარების სამინისტრომ საპრივატიზაციოდ გამოიტანა რეგიონებში მდებარე რამდენიმე ობიექტი, რომელთა გასხვისებასაც ვერა ქობალის უწყება თვის ბოლომდე გეგმავს.
საპრივატიზაციო ნუსხაშია და 23 სექტემბერს დაგეგმილ აუქციონზე ეკონომიკისა და მდგრადი განვითარების სამინისტრო ქუთაისში, ჭავჭავაძის გამზ. 53ა-ში მდებარე შენობა-ნაგებობასა (830,68 კვ.მ.) და მასზე დამაგრებული 1 5000 კვ.მ. მიწის ნაკვეთს 550 000 ლარად ყიდის.
იყიდება ასევე რუსთავში, მარის არხის დასახლება 174-ში მდებარე შენობა-ნაგებობები და მათზე დამაგრებული 55 581 კვ.მეტრის მიწის ნაკვეთი. ობიექტის საწყისი გასაყიდი ფასი 530 000 ლარია, რომლის გასხვისებაც 29 სექტემბრისთვის ჩანიშნულ აუქციონზეა დაგეგმილი.
საპრივატიზაციო ობიექტების ნუსხაში შეტანილია ასევე ქუთაისში, როძევიჩის ქ. 2-ში მდებარე "პედაგოგთა კვალიფიკაციის ამაღლების ზონალური ინსტიტუტის" სახელმწიფო საკუთრებაში არსებული 100%-იანი წილი, რომლის საწყისი გასაყიდი ფასი 140 000 ლარად განისაზღვრა. პირობებიან აუქციონზე აღნიშნული ობიექტის გაყიდვა 30 სექტემბერს არის დაგეგმილი.