ეკონომიკისა და მდგრადი განვითარების სამინისტრო მიერ, სასარგებლო წიაღისეულის მოპოვების ლიცენზიის გაცემის მიზნით ჩატარებული აუციონიდან ბიუჯეტში 160 606 ლარი შევა.
აუქციონი გამოცხადებული იყო 14 ობიექტზე, აქედან 10 ობიექტის ლიცენზია გაიყიდა, დანარჩენ 4 ობიექტზე სამინისტროში განაცხადი არ შემოსულა.
აუქციონზე გაიყიდა შემდეგი ობიექტების ლიცენზიები: თბილისი, დიღმის სასწავლო-საცდელი მეურნეობის მიმდებარე ტერიტორიაზე, მდ. მტკვარზე "ავჭალის" ქვიშა, ხრეშის გამოვლინება, რაშიც ფიზიკურმა პირმა 14 750 ლარი გადაიხადა. თურქულ-ქართულმა ერთობლივმა კომპანია "ბლექ სი გრუპმა" 11 ათას ლარად ნინოწმინდაში, სოფ. ხანჩალის ტერიტორიაზე "კატნატუს" ღორღის გამოვლინების ლიცენზია შეიძინა.
ჩხოროწყუში, სოფ. ქვედა ჩხოროწყუს ტერიტორიაზე, მდ. ხობისწყალზე "ოჩხომურის" ქვისა, ხრეშის საბადოს მფლოველი ი/მ "გენო ახალაია" გახდა, რომელმაც ობიექტი 22 257 ლარად შეიძინა. მარნეულში, სოფ. ლეჟბადინის ტერიტორიაზე ლეჟბადინის კვარცმინდვრისშპატიანი ქვიშის გამოვლინების ლიცენზია "ჯეოპროგრესგრუპ"-მა 8155 ლარად იყიდა.
გარდაბანში, სოფ. ყარათაღლას ტერიტორიაზე, მდ. მტკვარზე "აღთაღლას" ქვიშა, ხრეშის გამოვლინების ლიცენზიის მფლობელი კი შპს "მშენბარი", 2212 ლარად შეიძინა.
ახალქალაქში, სოფ. ხოსპიოს ტერიტორიაზე "ხოსპიოს" წყაროს წყალი (სამეწარმეო) ფიზ. პირმა 1687 ლარად შეიძინა.
დმანისი, სოფ. განახლების ტერიტორიაზე "ფშანის" ტორფის საბადო, მისმა ახალმა მფლობელმა 42 896 ლარად შეიძინა. ონში, სოფ. ლაგვანთას ტერიტორიაზე, მდ. რიონზე "ლაგნანთას" ქვიშა, ხრეშის გამოვლინების ლიცენზია "ორბა 2008"-მ 11 800 ლარად შეიძინა გაიყიდა ასევე სამტრედიაში, სოფ. ახალსოფლის ტერიტორიაზე, მდ. რიონზე "ეწერის" ქვიშა, ხრეშის საბადო და მესტიის მიმდებარე ტერიტორიაზე, მდ. მესტიაჭალაზე ქვიშა, ხრეშის საბადო.
