შინაგან საქმეთა მინისტრმა, გიორგი გახარიამ დავით კირკიტაძის გათავისუფლებასთან დაკავშირებით, ჟურნალისტის მიერ დასმულ კითხვაზე - იღებს თუ არა კირკიტაძისგან ბოდიშს, განაცხადა, რომ მიესალმება პოლიციელებისთვის ბოდიშის მოხდას.
„ერთმნიშვნელოვნად მივესალმები იმას, რომ ბატონმა კირკიტაძემ პოლიციელს ბოდიში მოუხადა. ვიღებ თუ არა მე პირადად ამ ბოდიშს, არ მინახავს, უნდა ვნახო და ინტონაციიდან გამომდინარე გადავწყვეტ ვიღებ თუ არა ასეთ ბოდიშს“, - განაცხადა გიორგი გახარიამ.
„ნაციონალური მოძრაობის“ ერთ-ერთი ლიდერი დავით კირკიტაძე დღეს გაათავისუფლეს. პროკურატურამ მას საპროცესო შეთანხმება გაუფორმა. პროკურორის კითხვაზე, აღიარებს თუ არა ის წარდგენილ ბრალდებას, დავით კირკიტაძემ უპასუხა, რომ ბრალს აღიარებს და მომხდარის გამო ბოდიშ მოიხადა. “მე ბოდიშს ვუხდი პოლიციელებს, რადგან მათი საქმიანობა ძალიან მნიშვნელოვანია“,-განაცხადა კირკიტაძემ.
შეგახსენებთ, გაერთიანებული ოპოზიციის წევრი დავით კირკიტაძე 17 დეკემბერს დააკავეს. კირკიტაძე დაკავებულია ველისციხეში გამართულ აქციაზე პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის
