აზერბაიჯანში მიმდინარე შეხვედრებს განცხადებით ეხმიანება საქართველოს პრეზიდენტი. სალომე ზურაბიშვილი საქართველოსა და აზერბაიჯანის შორის დელიმიტაციის პროცესის განახლებას მიესალმება.
"მივესალმები საქართველოსა და აზერბაიჯანის სახელმწიფო საზღვრის, წლების განმავლობაში შეჩერებული, დელიმიტაციის პროცესის განახლებას, რაზეც აზერბაიჯანში ვიზიტისას პრეზიდენტ ილჰამ ალიევთან შეხვედრაზე შევთანხმდით.
დარწმუნებული ვარ, რომ ჩვენი მრავალწლიანი კეთილმეზობლური ურთიერთობებიდან გამომდინარე, მხარეები იხელმძღვანელებენ სტრატეგიული პარტნიორობით და ეს პროცესი სწრაფად მოგვცემს შედეგს", აცხადებს სალომე ზურაბიშვილი.