საქართველოს პრეზიდენტი, 19 მაისის, შუალედურ არჩევნებს დემოკრატიულად აფასებს. ამის შესახებ განცხადება, პრეზიდენტის პრესსპიკერმა გააკეთა.
ხატია მოისწრაფიშვილის თქმით, საარჩევნო გარემო იყო საკმაოდ მშვიდობიანი და დემოკრატიული.
„საქართველოს პრეზიდენტის შეფასებით, შუალედური არჩევნები საქართველოში შედგა. საარჩევნო გარემო იყო საკმაოდ მშვიდობიანი და დემოკრატიული. მისივე აზრით, რა თქმა უნდა, არჩევნების პროცესში იყო ცალკეული ხარვეზები და დარღვევები, რაც რა თქმა უნდა, არსებით გავლენას არ ახდენს არჩევნების შედეგებზე, თუმცა, მეორე მხრივ, აუცილებელია, მოხდეს თითოეული ამ ფაქტის შესწავლა და გაანალიზება,“ - განაცხადა ხატია მოისწრაფიშვილმა.