F1-ის სამგზის ავსტრიელი ჩემპიონი ნიკი ლაუდა 70 წლის ასაკში გარდაიცვალა. ლეგენდარული ავსტრიელი მრბოლელი ნიკი ლაუდა "ფორმულა ერთის" ჩემპიონის ტიტული 1975, 1977 და 1984 წლებში მოიპოვა.
ლაუდას ფილტვის გადანერგვის ოპერაცია 2018 წლის აგვისტოში გაიკეთა. მას ჯანმრთელობის პრობლემები ბოლო რამდენიმე წლის განმავლობაში აწუხებდა. ლაუდა საკუთარ სახლში მშვიდად, ოჯახის წევრების გვერდით გარდაიცვალა.
ნიკი ლაუდა ავსტრიელი ავტომრბოლელების საყვარელი სპორტსმენია, რომელმაც 1976 წელს, German Grand Prix -ის დროს ძლიერად დაიწვა და ერთი წლის შემდეგ "ფორმულა ერთის" ჩემპიონის ტიტულს დაეუფლა. ნიკი ლაუდა სიცოცხლის ბოლო წლებში დაკავებული იყო მეწარმეობით. ის იყო "ლაუდა ეარის" მფლობელი.