მთაწმინდის N1 საარჩევნო ოლქში, შუალედური არჩევნების მეორე ტური არაუგვიანეს 13 ივნისს გაიმართება. როგორც დღეს ცესკო-ს პრესპიკერმა ანა მიქელაძემ განაცხადა, კანონმდებლობის თანახმად, კენჭისყრის დღიდან, 25 დღის განმავლობაში უნდა ჩატარდეს მეორე ტური და მისი ჩატარების ბოლო ვადა არის 13 ივნისი.
„საარჩევნო პროცედურები გრძელდება. ახლა მიმდინარეობს როგორც საბოლოო შედეგების დამუშავების, ისე საჩივრების განხილვის პროცესი. კანონმდებლობის თანახმად, საოლქო საარჩევნო კომისიებმა უნდა შეაჯამონ კენჭისყრის შედეგები არაუგვიანეს კენჭისყრის დღიდან მე-11 დღისა, რაც არის არაუგვიანეს 30 მაისი. რაც შეეხება თარიღს, კენჭისყრის დღიდან, 25 დღის განმავლობაში უნდა ჩატარდეს მეორე ტური და მეორე ტურის ჩატარების ბოლო ვადა არის 13 ივნისი“, – აღნიშნა მიქელაძემ.
