ან შეეგუებით რომ ხელისუფლება ნელ-ნელა გადადის ხალხის ხელში, ან ვიწყებთ ხალხის მობილიზებას მთელ საქართველოში, - ამბობს საქართველოს მესამე მიხეილ სააკაშვილი მიმართვაში, რომელიც სოციალურ ქსელში გაავრცელა.
სააკაშვილი ამბობს, რომ ოპოზიციას ყველა რაიონში აქვს უპირატესობა, რაზეც ყველა გამოკითხვა და ხალხის განწყობა მეტყველებს.
„ზუგდიდში სანდრას აქვს წარმოუდგენელი უპირატესობა და როგორ შეიძლება, რომ არ ჰქონდეს. ერთ მხარეს არის მსოფლიოში ძაან ცნობილი მნიშვნელოვანი ფიგურა, იმიტომ კი არა რომ ჩემი ოჯახის წევრზე არის საუბარი, რომელსაც სიგიჟემდე უყვარს სამეგრელო, ზუგდიდი, საქართველო და მეორე მხარეს არის მძარცველი ივანიშვილი, რომელსაც ეზიზღება საქართველო და რომელმაც დააყენა მორიგი თავისი შნირი იქ კანდიდატად. ამ სიტუაციაში, სანდრას ეს არჩევნები პრაქტიკულად მოგებული აქვს“, - ამბობს სააკაშვილი და აღნიშნავს, რომ ივანიშვილს ზუგდიდში ჩაჰყავს დიდი რაოდენობით პოლიცია და აპირებს საარჩევნო უბნებზე მანიპულაციას.
„მე მინდა მივმართო ახლა ივანიშვილს, მომისმინე კარგად შენ, ეს არჩევნები აქვს სანდრას მოგებული, ისევე როგორც, მე ვიცნობ საარჩევნო ვითარებას ხულოში, ზესტაფონში, მთაწმინდაზე, მარნეულში და ყველგან მთავრობას აქვს წაგებული. უბრალოდ საკითხი დგას ძალიან მარტივად - ან აღიარებთ დამარცხებას და შეეგუები იმას, რომ შენ არ გაქვს აბსოლუტური კონტროლი და საქართველო არ არის შენი დუქანი და შენი პირადი საკუთრება, ან შეეგუებით რომ ხელისუფლება ნელ-ნელა გადადის ხალხის ხელში, ან ვიწყებთ ხალხის მობილიზებას მთელ საქართველოში, ვიწყებთ მშვიდობიან ქმედებას, სანამ საქართველოში არ შეიცვლება ხელისუფლება და არ იქნება ნორმალური არჩევნები“, - თქვა სააკაშილმა.