მართალია საქართველო აივ ინფექცია/შიდსის დაბალი გავრცელების ქვეყნებს მიეკუთვნება, მაგრამ ეპიდემიის მასშტაბი მაინც მატულობს. დღეისათვის საქართველოში რეგისტრირებულია აივ ინფექცია/შიდსის 7569 შემთხვევა. აქედან პაციენტების 52% შიდსი განუვითარდა, 54%-მა კი ჯერ კიდევ არ იცის მისი სტატუსის შესახებ. ყოველი მეხუთე ადამიანი აივ/შიდსის დიაგნოზით უკვე გარდაიცვალა. საქართველოში შიდსით 1540 ადამიანია გარდაიცვლილი. საზოგადოებაში არსებული სტიგმის გამო ეს თემი უხილავია, რომელიც ნაკლებად სარგებლობს სოციალური შეღავათიებით და ეკონომიური გაჭირვებასთან ერთად უწევს დამცირების, შეურაცხყოფისა და იზოლაციის შიშისა და უიმედებოს გარემოში ცხოვრება. არსებული სიტუაცია მნიშვნელოვან სიგნალს წარმოადგენს საქართველოში აივ/შიდსის მკურნალობისა და მოვლის სისტემაში არსებულ ხარვეზებზე. აღნიშნული საკითხების მოგვარებისთვის საჭიროა აქტიური ბრძოლა უფლებებისა და ჯანმრთელობისთვის.
ყოველწლიურად მსოფლიო საზოგადოება მაისის მესამე კვირას შიდსით გარდაცვლილთა ხსოვნის დღეს აღნიშნავს, რითაც პატივს მიაგებს შიდსის ეპიდემიის მსხვერპლთა ხსოვნას.
გლობალურ კამპანიას რომელიც 1983 წლიდან აღინიშნება, საქართველოც უერთდება.
ამა წლის 18 და 19 მაისს აივ დადებით პირთა სათემო ორგანიზაცია „ასოციაცია ბროწეულის“ და აივ შიდსის პრევენციაზე მომუშავე ორგანიზაციების: “ ზიანის შემცირების საქართველოს ქსელი“ , „ახალი ვექტორი“, „თანასწორობის მოძრაობა“, „თანადგომა“ ორგანიზებით შიდსით გარდაცვლილთა ხსოვნის დღისადმი მიძღვნილი ეროვნული კამპანია გაიართება. კამპანიის გზავნილია: აქტიური ბრძოლა უფლებებისა და ჯანმრთელობისთვის. კამპანიის მიზანია პატივი მიაგოს შიდსით გარდაცლილი ადამიანების ხსოვნას, გამოხატოს სოლიდარობა აივ დადებითი ადამიანების მიმართ და გაზარდოს ცნობიერება აივ/შიდსის შესახებ.
2019 წლის კამპანიის ფარგლებში დაგეგმილია შემდეგი ღონისძიებები:
- 18 მაისი-13:00 - შიდსით გარდაცვლილთა ხსოვნის დღისადმი მიძღვნილი ღონისძიება - „აქტიური ბრძოლა უფლებებისა და ჯანმრთელობისთვის“ თბილისის საკრებულო
- 19 მაისი-19:00 - აქცია - დროა აქტიური ბრძოლის უფლებებისა და ჯანმრთელობისთვის“ - სახელმწიფო კანცელარია