- საზოგადოება 16 მაისი 2019, 21:57
საყოველთაო ჯვრისწერაზე საქართველოში ერთდროულად 500-ზე მეტმა წყვილმა დაიწერა ჯვარი
დღეს, 16 მაისს, სრულიად საქართველოს კათოლიკოს-პატრიარქის ლოცვა-კურთხევითა და საპატრიარქოს ჩოხოსნების ორგანიზებით მთელი საქართველოს მასშტაბით საყოველთაო ჯვრისწერის მორიგი ეტაპი ჩატარდა. საქართველოში ერთდროულად 500-ზე მეტმა წყვილმა დაიწერა ჯვარი.
დღეს ჯვრისწერის საიდუმლო 500-ზე მეტი წყვილისთვის შესრულდა, რომელთაც ოჯახი შექმნილი ჰქონდათ, მაგრამ ჯვარი არ ჰქონდათ დაწერილი. თბილისში, ყოვლადწმინდა სამების საპატრიარქო ტაძარში კი ჯვარი 120-ზე მეტმა წყვილმა დაიწერა, რაც სამ ეტაპად განხორციელდა, - ნათქვამია საპატრიარქოს მიერ გავრცელებულ განცხადებაში.
საყოველთაო ჯვრისწერის ტრადიციას საფუძველი 2016 წელს პატრიარქისა და ჩოხოსანთა საზოგადოების ინიციატივით ჩაეყარა.
