აშშ-ში, ნებრასკას შტატში, ფერმერმა მამაკაცმა, ბურღულეულის საფქვავ მანქანაში გაჭედვის შემდეგ, ჯიბის დანით ფეხი მოიჭრა. ამის შესახებ ინფორმაციას ABC News ავრცელებს.
63 წლის კურტ კეისერს, საკუთარ ფერმაში მარცვლეულის საფქვავი აპარატის პინა ერთი ადგილიდან მეორეში გადაჰქონდა, რა დროსაც ფეხი გაეჭედა. ფერმერი სიცოცხლის გადასარჩენად იძულებული გახდა 7 სანტიმეტრის სიგრძის დანით ფეხი მოეჭრა.
ფერმერმა რამდენიმე კვირა საავადმყოფოში გაატარა. გამოწერის შემდეგ, ABC News-თან ინტერვიუში აღნიშნავს, რომ სიცოცხლის გადასარჩენად ფეხი აუცილებლად უნდა მოეჭრა.
„სხვა არჩევანი არ მქონდა, ტელეფონიც არ მქონდა თან რომ დასახმარებლად ვინმესთვის დამერეკა. ფეხი გამეჭედა და ვიგრძენი როგორ ჩაითრია კოჭის ძვალი. ერთ წუთში ვიფიქრე, რას ვიზამ, რაც მოხდება მოხდება მეთქი. ამ დროს გამახსენდა, რომ ჯიბეში დანა მედო. ამოვიღე და გაჭედილი ნაწილი ჩემი ხელით გადავჭერი“, - იხსენებს ფერმერი.
ინციდენტის შემდეგ დაზარალებულმა შვილს დაურეკა, რომელმაც საავადმყოფოში გადაიყვანა. კურტ კეისერი თავს კარგად გრძნობს და რეაბილიტაციას სახლში გადის.