მინდა ჩემი პატივისცემა გამოვხატო ქ-ნი თამრიკო ჭოხონელიძის მიმართ, რომელმაც TV პირველის ეთერში ძალიან სწორი და ჯანსაღი სამოქალაქო პოზიცია დააფიქსირა ადამიანის უფლებების დაცვის მნიშვნელობის, ურთიერთპატივისცემის და შემწყნარებლობის დასაცავად, - წერს სახალხო დამცველი ნინო ლომჯარია “ფეისბუქში“
თამრიკო ჭოხონელიძემ ტელეკომაპნია “პირველის“ ეთერში განაცხადამ რომ რომ სექსუალური ორიენტაციის ნიშნით ადამიანების დისკრიმინაცია არ არის მართებული. ჭოხონელიძე ამბობს, რომ არ არის ვალდებული ეკლესიის პოლიტიკას ბრმად გაყვეს. მისი თქმით, შემთხვევითი არაა, რომ 17 მაისი საპატრიარქომ ოჯახის სიწმინდის დღედ გამოაცხადა, რის გამოც საპატრიარქოს მიერ ორგანიზებულ კონცერტში მონაწილეობა არ სურს. მისი თქმით, ნებისმიერ დღეს საპატრიარქოს გვერდით იქნება, გარდა 17 მაისისა.
„მინდა ჩემი პატივისცემა გამოვხატო ქ-ნი თამრიკო ჭოხონელიძის მიმართ, რომელმაც TV პირველის ეთერში ძალიან სწორი და ჯანსაღი სამოქალაქო პოზიცია დააფიქსირა ადამიანის უფლებების დაცვის მნიშვნელობის, ურთიერთპატივისცემის და შემწყნარებლობის დასაცავად. მინდა ვუთხრა მასაც და მის მდგომარეობაში მყოფ სხვა მოქალაქეებს, რომ ის "სიძულვილი", რასაც, ალბათ, სოციალურ ქსელებში ბოლო პერიოდში აწყდებიან, ძალიან ხელოვნური, გადაჭარბებული და ხშირ შემთხვევაში არარსებულია. ეს საკუთარ თავზე მაქვს გამოცდილი და ვიცი. ეს "სიძულვილი" და "აგრესია" ხელოვნურად შექმნილი და ორგანიზებულია გარკვეული ჯგუფების მიერ იმისთვის, რომ ადამიანებს, რომლებიც თავისუფლად და გაბედულად აფიქსირებენ აზრს, დამაშინებელი გარემო შეუქმნან, შექმნან შთაბეჭდილება, თითქოს ბევრი ფიქრობს ასე და შენ ხარ უმცირესობაში, დათრგუნონ ადამიანებში აზრის თავისუფლად გამოხატვის სურვილი და ამით "აშანტაჟონ" პოლიტიკოსები, ხელისუფლება, პოლიტიკური პარტიები, ინსტიტუციები, კანდიდატები - გაატარონ მათთვის სასურველი პოლიტიკა.
ამიტომ არის ძალიან მნიშვნელოვანი ყველამ თავისუფლად, არააგრესიულად და არგუმენტირებულად გამოხატოს თავისი პოზიცია და ამიტომ ქ-ნი თამრიკოს პოზიციონირება მჯერა, რომ გადამდები იქნება სხვებისთვისაც. საზოგადოებამ უნდა ვთქვათ, რომ ჩვენ არ ვართ ისეთი "პრიმიტიულები", როგორც ზოგიერთ პოპულისტს სურს რომ წარმოგვაჩინოს, ჩვენ არ ვართ ისეთი აგრესიულები, როგორც რამოდენიმე ჯგუფი ცდილობს, რომ სოციალურ ქსელში დახატოს. მე ბევრ ადამიანს ვხვდები და ერთ რამეში ვარ დარწმუნებული, ხალხს უნდა არა პოპულიზმი, აგრესია და ექსტრემიზმი, არამედ კრიტიკული, ობიექტური და ჯანსაღი პოზიციონირება. ასე რომ, საზოგადოება ძალიან სწორად აკეთებს დასკვნებს, სად არის საღი აზრი“, - წერს ლომჯარია.