აშშ-ში, კალიფორნიის შტატში ,სასამართლომ გერმანულ მწარმოებელ Bayer-ს 2 მილიარდი დოლარის კომპენსაცია იმ წყვილის სასარგებლოდ დააკისრა, რომელთაც სარეველა ბალახის ჰერბიციდის გამოყენების დროს ჰოჯკინის ლიმფომა განუვითარდათ.
Roundup სარეველა ბალახთან ბრძოლის ერთ-ერთი საშუალებაა, რომლის შემადგენლობაშია საშიში ნივთიერება გლიფოსატი. გლიფოსატი არის მსოფლიოში ყველაზე ფართოდ გაყიდვადი და გამოყენებული ჰერბიციდი. პროდუქტი ფართოდ გამოიყენება სოფლის მეურნეობაში, პარკებსა და საზოგადოებრივ ადგილებში სარეველა მცენარეების გასანადგურებლად.
70 წლის წყვილმა, კომპანია Bayer-ს მომხმარებლების გაუფრთხილებლობასა და გულგრილობაში დასდო ბრალი. ფარმაცევტულმა გიგანტმა უარყო ყველა ბრალდება და აღნიშნა, რომ პროდუქტი მოხმარებისთვის სრულიად უსაფრთხოა.
სასამართლომ არ გაითვალისწინა დაცვის მხარის მტკიცება, შესაბამისად, 70 წლის ალვა და ალბერტა პილიოდებს 1-1 მილიარდი დოლარის კომპენსაცია ერგოთ. გარდა ამისა, Bayer-ს 55 მილიონი დოლარის ჯარიმა დაეკისრა.
Bayer-ი არ ეთანხმება კალიფორნიის შტატის სასამართლოს გადაწყვეტილებას და მის გასაჩივრებას აპირებს. კომპანიის განცხადებით, ვერდიქტი „გადაჭარბებული და არასამართლიანია“.
Bayer-ს შეერთებულ შტატებში 13,400-ზე მეტ შემთხვევასთან დაკავშირებით მოუწევს სასამართლოში ბრალდებების მოსმენა. ბოლო რამდენიმე თვეში გერმანული ფარმაცევტული ჯგუფი Bayer-ს უკვე მესამედ გაეხვა სკანდალში. აღსანიშნავია, რომ წინა თვეებში, სასამართლომ ჰერბიციდების მწარმოებელს ორი მსგავსი შემთხვევაში 80 და 289 მილიონი დოლარის კომპენსაციები დააკისრა.