"სევდიანი, მაგრამ ძალიან სასაცილო ამბავი," - ამ განცხადებით, პარლამენტის ფრაქცია "ევროპული საქართველოს" წევრი, გიგა ბოკერია მმართველ გუნდში დაანონსებულ განახლებას გამოეხმაურა.
"ქართულ ოცნებაში" ქასთინგი ტარდება. ახალი სახეები ძირითადად 2020 წლის საპარლამენტო არჩევნებისთვის ირჩევა. განახლებულ გუნდს ტრენინგებსაც ჩაუტარებენ. პროცესს სათავეში კი გამოცდების და შეფასების ეროვნული ცენტრის ყოფილი ხელმძღვანელი მაია მიმინოშვილი ჩაუდგა.
"რაც შეეხება იმას, რომ ვიღაც გადამზადებას ახდენს პოლიტიკური ლიდერების, ქალბატონ მიმინოშვილზეა საუბარი, ეს მართლა სევდიანი, მაგრამ ძალიან სასაცილო ამბავია ჩვენი ქვეყნისთვის, რომ ასეთი ხელისუფლება გვყავს, რომ ვიღაცამ უნდა გადაამზადოს", - განაცხადა ბოკერიამ.
